KOBAN taldeak 2018an atera zuen bere lehen diskoa, elektronika eta musika beltzaren edo jazzaren espresio ezberdinak nahastuz, swinga, soula edo manouchea esaterako. Trikitixa, bost ahots, sintetizadoreak, sanplerrak, pianoa eta gitarra ezberdinekin, dantza egiteko modu berriak bilatzea da erronka. Egun hurrengo lana prestatzen ari dira, estilo eta erritmo ezberdinak uztartzen jarraitzeko asmoz.
Donostiako taldeak 2016an eman zuen bere lehen kontzertua, eta ordutik makina bat kontzertu eta dantzaldi antolatu dituzte.